SYNOECIA

SYNOECIA

Graece Ξυνοικία, festum Athenis de quo sic Thucydides l. 1. Cercope priscisque Regibus usque ad Theseum, Attica semper oppidatim incolebatur, Πρυτανεῖά Curias habens καὶ Α῎ρχοντας et Magistratus. Neque Regem consulebant, quando nullus erat ex periculo metus; sed per se quique suorum Remp. administrabant et concilium habebant — Theseus autem regnum adeptus, (vir et prudens et potens) cum -- tum etiam Concilia et Magistratus aliarum urbium sustulit: omnesque in unum Concilium et Prytanaeum Athenis coegit, Singuli res suas, ut ante, possidebant; sed unâ hâc civitate uti necesse erat: in quam cum omnes iam convenirent, pecuniamque ad usus publicos conferrent, auctior illa posteris a Theseo tradita est. Inde Athenienses Ξυνοικία, publicum Minervae festum cetebrant. Antehac urbs erat, quae nunc est arx — igttur, et ante et post in agris cum tota familia habitabant liberi et suô iure.